بلوچستان میں سیکیورٹی فورسز کا آپریشن، 2 دہشتگرد ہلاک، 3 زخمی ، سیکیورٹی ذرائع

سیکیورٹی فورسز نے بلوچستان کے علاقے کلی زائیک میں انٹیلیجنس بیسڈ آپریشن کے دوران فتنہ الہندوستان سے وابستہ 2 دہشتگردوں کو ہلاک جبکہ 3 کو زخمی کردیا۔
سیکیورٹی ذرائع کے مطابق بسیمہ کیمپ سے قریباً 12 کلومیٹر شمال میں کلی زائیک اور کاغلی کے درمیان دہشتگردوں کی موجودگی کی اطلاع پر کارروائی کی گئی۔
کارروائی کے دوران سیکیورٹی فورسز اور دہشتگردوں کے درمیان فائرنگ کا تبادلہ ہوا، جس میں 2 دہشتگرد ہلاک اور 3 زخمی ہوئے۔
سیکیورٹی ذرائع کے مطابق ہلاک دہشتی گرد کی شناخت مشتاق احمد عرف کوہ یار کے نام سے ہوئی ہے۔
دہشتگردوں کے قبضے سے ایمونیشن، میگزین، دستی بم اور آئی ای ڈی بنانے کا سامان بھی برآمد کیا گیا۔
سیکیورٹی فورسز نے دہشتگردی کے مکمل خاتمے اور بلوچستان میں دیرپا امن کے قیام تک بلا تعطل کارروائیاں جاری رکھنے کے عزم کا اظہار کیا ہے۔