محسن نقوی سے امریکی سفیر کی ملاقات ، منظم جرائم، منشیات اور انسانی اسمگلنگ کے خلاف تعاون بڑھانے پر اتفاق

وفاقی وزیر داخلہ محسن نقوی سے امریکی سفیر نیٹلی بیکر نے ملاقات کی ہے، جس میں خطے کی مجموعی صورتحال اور امن و استحکام سے متعلق امور پر تبادلہ خیال کیا گیا۔
ملاقات میں پاک امریکا دوطرفہ تعاون اور مختلف شعبوں میں تعاون بڑھانے پر بھی بات چیت ہوئی، جبکہ پولیس آفیسرز کے باہمی پروگرامز و ٹریننگ سے متعلق امور پر گفتگو کی گئی۔
ملاقات میں منظم جرائم، منشیات اور انسانی اسمگلنگ کے خلاف باہمی تعاون بڑھانے پر اتفاق کیا گیا۔
امریکی سفیر نیٹلی بیکر نے خطے میں امن و استحکام کے لیے فیلڈ مارشل کے مثبت سفارتی کردار کی تعریف کی۔ اس موقع پر وفاقی سیکرٹری داخلہ بھی موجود تھے۔