کراچی جناح انٹرنیشنل ائرپورٹ پر کسٹمز نے کارروائی کرتے ہوئے اسمگلنگ میں ملوث دو ملزمان کو گرفتار کرلیا۔ کسٹم حکام کے مطابق ارسلان نامی ملزم نے ٹکٹس کے عوض 2 مسافروں کو موبائل سمیت دیگر سامان اسمگل کرنے کا ٹاسک دیا۔ کراچی ائر پورٹ پہنچنے پر کسٹم کے عملے نے دونوں مسافرں سے موبائل فون اور لیپ ٹاپ سمیت دیگر سامان برآمد کرلیا۔ ملزمان نے ہوائی ٹکٹ کے عوض اسمگلنگ کا انکشاف کیا ہے۔ ضبط کیے گئے سامان کی مالیت 88 لاکھ 86 ہزار روپے بتائی جاتی ہے۔ دونوں مسافر مفت ٹکٹ پر دبئی سے کراچی پہنچے تھے –
