بیروت دھماکے کی غیر جانبدار تحقیقات ضروری ہے، حسن نصر اللہ

بیروت :لبنان کی مزاحمتی تحریک حزب اللہ کے سربراہ حسن نصر اللہ نے کہا ہے کہ بیروت دھماکے کی غیر جانبدار تحقیقات ضروری ہیں۔غیر ملکی خبر رساں ادارے کے مطابق ٹیلی وڑن پر خطاب کرتے ہوئے حزب اللہ کے سیکریٹری جنرل سید حسن نصراللہ کا کہنا تھا کہ اس تباہی کے ذمہ داران کا ا±ن کی وابستگی سے قطع نظر محاسبہ کرنا ہوگا۔انہوں نے کہا کہ تحقیقات کے نہ تو سیاسی اور نہ ہی فرقہ وارانہ مقاصد ہونے چاہئیں۔حسن نصراللہ نے سانحہ کے ابتدائی اوقات میں ہی میڈیا کی ان قیاس آرائیوں کو ناانصافی قرار دے کر مسترد کردیا کہ حزب اللہ نے بندرگاہ میں میزائلوں کو محفوظ کیا تھا۔انہوں نے کہاکہ ان الزامات کا مقصد مزاحمتی گروپ کے خلاف لبنانی عوام کو اکسانا ہے۔حسن نصراللہ نے کہا کہ جو ذرائع ابلاغ الزامات پھیلاتے ہیں ان کے سیاسی محرکات تھے،انہوں نے لبنان میں خانہ جنگی کے لئے اکسانے کی کوشش کی تھی۔