پہاڑ میں 30 گھنٹے پھنسے 2 افراد، توہم پرستی کے باعث ریسکیو ٹیم کو جواب نہ دیا

بھارت میں 2 افراد پہاڑی علاقے میں قریباً 30 گھنٹے تک پھنسے رہے تاہم توہم پرستی کے باعث انہوں نے تلاش کرنے والی ریسکیو ٹیم کی آوازوں کا جواب نہیں دیا۔
بھارتی میڈیا کے مطابق دونوں افراد پہاڑی علاقے میں راستہ بھٹکنے کے بعد مشکل میں پھنس گئے تھے۔ ریسکیو ٹیم نے ان کی تلاش شروع کی اور قریب پہنچ کر انہیں آوازیں دیں، تاہم دونوں نے جواب دینے سے گریز کیا۔
رپورٹ کے مطابق دونوں افراد کے پاس موبائل فون بھی نہیں تھے کیونکہ پہاڑی علاقے میں موبائل سگنل دستیاب نہیں تھا۔
ریسکیو ٹیم کو قریباً 30 گھنٹے کی تلاش کے بعد دونوں افراد کا سراغ ملا اور انہیں بحفاظت نکال لیا گیا۔
رپورٹ میں بتایا گیا ہے کہ دونوں افراد کا ریسکیو اہلکاروں کو جواب نہ دینے کا فیصلہ مقامی توہم پرستی سے جڑا ہوا تھا۔