وزیراعلیٰ بلوچستان جام کمال خان نے ایک بار پھر سانحہ مچ میں جاں بحق افراد کی میتوں کی تدفین کی درخواست کردی۔ سماجی رابطے کی ویب سائٹ ٹوئٹر پر جاری کیے گئے اپنے بیان میں وزیراعلیٰ بلوچستان جام کمال خان نے کہا کہ میں ایک بار پھر سانحہ مچ میں جاں بحق افراد کے لواحقین سے میتوں کی تدفین کی درخواست کر رہا ہوں۔ جام کمال خان نے دھرنےکےشرکاء سے درخواست کرتے ہوئے کہا کہ مذہبی فریضے کو نہ روکا جائے۔ ان کا مزید کہنا تھا کہ میں آپ سے ایک بار پھر میتوں کی تدفین کی درخواست کرتا ہوں۔
I once again request the lavaiqeen to do Tadfeen of Bodies… the religious obligations may not be held back and please it may be done… I request you all again. pic.twitter.com/cGmenXZMnY
— Jam Kamal Khan (@jam_kamal) January 7, 2021
واضح رہے کہ سانحہ مچھ کے خلاف کوئٹہ میں ہزارہ برادری کا احتجاجی دھرنا آج پانچویں روز بھی جاری ہے، لواحقین اپنے پیاروں کی میتوں کے ہمراہ دھرنے میں شریک ہیں۔ دھرنے کے شرکاء نے جاں بحق کان کنوں کی میتیں مغربی بائی پاس روڈ پر رکھی ہوئی ہیں۔