پی آئی اے ملازمین کو ایک بنیادی تنخواہ کے برابر بونس ملے گا، بورڈ آف ڈائریکٹرز نے منظوری دے دی

پاکستان انٹرنیشنل ایئرلائنز کارپوریشن لمیٹڈ کے بورڈ آف ڈائریکٹرز نے اپنے 102ویں اجلاس میں ملازمین کے لیے ایک بنیادی تنخواہ کے مساوی بونس کی منظوری دے دی۔
ترجمان پی آئی اے کے مطابق یہ بورڈ کا نجکاری کے بعد پہلا اجلاس تھا، جس میں ملازمین کی خدمات کو سراہتے ہوئے بونس دینے کا فیصلہ کیا گیا۔
ترجمان نے بتایا کہ بونس کا مقصد ملازمین کی حوصلہ افزائی کرنا، ان کی خدمات کا اعتراف کرنا اور انہیں ایئرلائن کی بحالی، پروازوں میں توسیع اور سروس کے معیار میں بہتری کے لیے مزید متحرک کرنا ہے۔