اسلام آباد میں اربوں کے پلاٹ بیچ کر ہوٹلز بن سکتے ہیں تو اسپتال کیوں نہیں؟ لیگی رہنما

پارلیمانی سیکریٹری اطلاعات بیرسٹر دانیال چوہدری نے کیپٹل ڈویلپمنٹ اتھارٹی (سی ڈی اے) کو شدید تنقید کا نشانہ بناتے ہوئے کہا ہے کہ سی ڈی اے کا سارا دن یہ کام ہوتا ہے کہ کیسے لوگوں کو تنگ کیا جائے، اربوں روپے کے پلاٹ بیچ کر ریسٹورنٹس بنائے گئے تو اسپتال کیوں نہیں بن سکے۔
پارلیمانی سیکریٹری اطلاعات بیرسٹر دانیال چوہدری نے پروگرام سینٹر اسٹیج میں گفتگو کرتے ہوئے کیپیٹل ڈٰولپمنٹ اتھارٹی کو شدید تنقید کا نشانہ بنا ڈالا۔ انہوں نے کہا کہ سی ڈی اے کا سارا دن یہ کام ہوتا ہے کہ کیسے لوگوں کو تنگ کیا جائے، عوام کی زندگی سے متعلق چیزیں ان کی ترجیحات میں نہیں ہے۔
انہوں نے کہا کہ سی ڈی اے کو اپنی ترجیحات طے کرنے کی ضرورت ہے۔ ان کا یہ بھی کہنا تھا کہ وزیر داخلہ محسن نقوی نے کہا تھا کہ میں وفاقی دارلحکومت اسلام آباد کو ماڈل سٹی بناوں گا مگر صرف سڑکوں سے ماڈل سٹی نہیں بن سکتا۔