پاکستان اور قطر کا خطے میں امن و استحکام کے لیے سفارتکاری جاری رکھنے پر اتفاق

پاکستان اور قطر نے خطے میں امن و استحکام کے لیے سفارتکاری جاری رکھنے پر اتفاق کیا ہے۔

وزیراعظم محمد شہباز شریف نے آج قطر کے امیر شیخ تمیم بن حمد آل ثانی، سے ٹیلیفون پر رابطہ کیا، جس میں دونوں رہنماؤں نے خطے کی موجودہ صورتحال، حالیہ کشیدگی اور امن کے فروغ کے لیے جاری سفارتی کوششوں پر تفصیلی تبادلہ خیال کیا۔

خوشگوار اور پرتپاک ماحول میں ہونے والی گفتگو کے دوران وزیراعظم شہباز شریف نے خطے میں حالیہ کشیدگی پر گہری تشویش کا اظہار کرتے ہوئے حالیہ حملوں کے تناظر میں قطر کے عوام کے ساتھ پاکستان کی مکمل یکجہتی اور غیرمتزلزل حمایت کا اعادہ کیا۔ انہوں نے تمام متعلقہ فریقوں پر زور دیا کہ وہ تحمل و بردباری کا مظاہرہ کریں اور ایسے کسی بھی اقدام سے گریز کریں جو خطے کے امن و استحکام کو متاثر کر سکتا ہو