کراچی : پاکستان پیپلز پارٹی (پی پی پی) کے چیئرمین بلاول بھٹو زرداری نے ملتان میں گرفتار کیئے گئے پی پی رہنما علی قاسم گیلانی کی رہائی کا مطالبہ کیا ہے۔ مائیکرو بلاگنگ سائٹ ٹوئٹر پر چیئرمین پاکستان پیپلز پارٹی بلاول بھٹو زرداری نے سابق وزیرِ اعظم یوسف رضا گیلانی کے صاحبزادے علی قاسم گیلانی کی گرفتاری کی ویڈیو ری ٹوئٹ کی ہے۔ بلاول بھٹو زرداری نے اپنے ٹوئٹر اکاؤنٹ پر ویڈیو ری ٹوئٹ کرتے ہوئے لکھا کہ کوفے کی سیاست سے مدینہ کی ریاست نہیں بن سکتی۔ اُنہوں نے اپنے ٹوئٹ میں ہیش ٹیگ FreeKasim بھی استعمال کیا۔
سید علی قاسم گیلانی کو پانی اور کھانے کیلئے راستہ مانگنے پر اس کوفی حکومت کی بےلگام پولیس نے تشدد کرتے ہوئے کارکنان کےہمراہ گرفتار کرلیا۔
لاٹھی گولی کی سرکار نہیں چلے گی#PDMJalsaMultan @KasimGillani @BBhuttoZardari @asmashirazi @AseefaBZ @MaryamNSharif pic.twitter.com/7GK1XOzmw4— GilaniHouseMediaCell (@gillanihouse_MC) November 28, 2020
واضح رہے کہ ملتان میں گرفتار کیئے گئے سابق وزیرِ اعظم یوسف رضا گیلانی کے صاحبزادے اور پاکستان پیپلز پارٹی کے رہنما علی قاسم گیلانی کو ڈپٹی کمشنر ملتان کی جانب سے ایک ماہ کے لیے جیل بھیجنے کے احکامات جاری کر دیئے گئے ہیں۔ ڈپٹی کمشنر ملتان کی جانب سے علی قاسم گیلانی کی گرفتاری کے سلسلے میں جاری کیئے گئے مراسلے کے مطابق علی قاسم گیلانی نے کورونا وائرس کی ایس او پیز کی خلاف ورزی کی اور زندگیوں کو خطرے میں ڈالا، علی قاسم گیلانی اسٹیڈیم میں جلسہ کرنا چاہتے ہیں لیکن اس کی اجازت نہیں ہے